Pasaia Oinarrizko Lanbide Heziketako Udal Institutua publikoa eta doakoa da. Bertan ikasketak burutzen duten gazteek, Erdi-Mailako Heziketa Zikloetara zuzenean sartzeko aukera izateaz gain, lanbidea ikasita, lan mundurako jauzia egin lezakete. Oinarrizko Lanbide Tituluaz gain, DBHko Graduatua edo Profesionaltasun-ziurtagiria lortu dezakete.
Ohiko hezkuntza-sisteman Derrigorrezko Bigarren Hezkuntzako (DBH) ikasketak osatu ez dituzten gazteek euren alderdi pertsonala garatzea da helburua; eta horrekin batera, gazteek erraztasunak izatea, hezkuntza, lan mundu eta gizartean txertatzeko.
Gure zentroan eskarmentu handia dugu nerabeekin lanean. Pasaiako Udala 1998an hasi zen Eusko Jaurlaritzaren Hezkuntza Sailarekin elkarlanean, udalerrian hainbat programa abian jartzeko. Horiek Hezkuntzako legeen arabera, egokitzen eta aldatzen joan dira: Osabidezko Hezkuntza; Lanbide Hastapena, LHIK; Hasierako Lanbide Hastapenerako Programa, HLHP…, eta egungo Oinarrizko Lanbide Heziketa, Lanbide Heziketaren barruan txertatua, Maila Ertainerako sarbiderako lanbide eta akademia arloetako prestakuntza sustatzeaz gain, lan munduan sartzeko aukera ematen baitio, hala nahi duenari.